7月紅館開騷 鄭秀文側面全真空極性感

鄭秀文（Sammi）將於七月開八場「You & Mi鄭秀文世界巡迴演唱會香港站2023」，下周一起信用卡優先訂票。Sammi早前拍攝演唱會海報，穿上兩邊側面全真空的裙子上陣，大曬fit爆身材，有型性感，她完美展示全身肌肉綫條，狀態大勇，十分滿意拍攝效果。她笑說︰「心情興奮又緊張，喺拍攝前做好皮膚護理、瞓好啲、做mask等基本準備，影海報呢條裙確實有少少難着，所以要做好身形管理，結果無問題，已經過咗一關，我好滿意！」

Sammi承認以往飲食比較節制，現在則較隨意，不變的是堅持勤做運動，「我試過168（每天八小時進食），甚至204（每天四小時進食），但有時好想食都會照食！依家我好隨心，無限定一個食嘢方式，如果需要着修身啲嘅衫，飲食就檢點啲；如果套衫輕鬆啲，我有時會一日食三、四餐，最緊要做運動，食多啲都唔怕！」